Arsenal made ‘big statement’ against Real Madrid, says Saka
Bukayo Saka ayaa sheegay in burburintii ay Arsenal ku sameysay kooxda heysata Champions League ee Real Madrid E ahed mid lalayaby.
Gunners ayaa u soo baxday semi-finalka Champions League markii seddexaad taariikhdeeda, ka dib 2005-06 iyo 2008-09, iyadoo tani ay tahay markii ugu horeysay oo ay ka soo muuqato heerkan muddo 16 sano kadib ah.
Saka waxa uu qasaariyay rigoore qeybtii hore ee ciyaarta, lakiin waxa uu dhaliyay goolkii furitaanka ee Arsenal guushii 2-1 ay ku gaareen Santiago Bernabeu si ay ugu soo wada badiyaan 5-1, iyadoo Gabriel Martinelli uu dhaliyay dhamaadkii guusha Arbacadii ka dib markii Vinicius Junior uu soo celiyay barbaro habeenkii.
Guud ahaan, waa markii 30-aad ee koox Ingriis ah ay u soo baxdo semi-finalka tartanka, kaliya kooxaha Spain (38) ayaa intaas ka badan sameeyay.
Waxa ay hadda wajihi doonaan Paris Saint-Germain oo ay u soo baxayaan finalka markii labaad oo kaliya, iyadoo ay guuldaro kala kulmeen Barcelona 2006Kii.
“Waxaan muujinay inaan ka ciyaari karno Yurub oo aan garaacno mid ka mid ah kooxaha ugu fiican adduunka, guri iyo marti, aad ayaan ugu faraxsanahay kooxdan,” Saka ayaa u sheegay TNT Sports.
“Caawa waxay ahayd hadal weyn, aad ayaan ugu faraxsanahay qof walba.”
Markii rigoore loo dhigay Saka ee Panenka uu goolhaye Thibaut Courtois ka badbaadiyay ciyaarta 0-0, waxay dareemaysay inay tahay waqti muhiim ah, laakiin Arsenal ayaa ku raaxaysatay markii ay si fudud 3-0 ku xoojiyeen faa’iidada lugtii hore.
Saka ayaa sidoo kale si fiican uga jawaabay wuxuuna si toos ah ugu lug yeeshay 15 gool 16 kulan oo uu Champions League u saftay Arsenal (9 gool, lix caawiye).
Arsenal ayaan laga badinin afartii kulan ee ay Madrid la ciyaartay tartamada Yurub (3 guul iyo 1 barbaro), halka hal koox kaliya ay waligeed marar badan oo xidhiidh ah la ciyaartay Los Blancos kulan ka tirsan European Cup/Champions League iyada oo aan wax guuldaro ah la kulmin (Toddobo kulan Lyon, September 2005 – February 2011).
“Way dhici kartaa, wax ayaan isku dayay, laakiin ma aysan shaqeyn, waxaan ku kalsoonahay inaan gool dhalin doono caawa,” Saka ayaa yiri.
“Waxaan wax ku bartaa daqiiqad walba
PSG oo wareega 16-ka ku reebtay hogaamiyayaasha Premier League ee Liverpool iyo Aston Villa wareega 8da ayaa caqabad wayn ku noqon doonta Arsenal oo gurigeeda ku ciyaari doonta lugta hore ee semi-finalka dhamaadka April.
“Waxaan arkaa inay ku ciyaarayaan kalsooni badan, diyaar ayaan u noqon doonaa, waxayna noqon doontaa kulan aad u wanaagsan,” Saka ayaa hadalkiisa raaciyay.
Mikel Arteta ayaa noqday tababarihii 10-aad ee Isbaanishka ah ee gaara semi-finalka Champions League, kaliya Italy (11) ayaa leh tababarayaal kala duwan oo sidaas sameeyay taariikhda tartanka.
Arteta ayaa ku tilmaamay guushii Real Madrid mid ka mid ah waqtiyadii ugu fiicnaa xirfadiisa ciyaareed.
“Runtii aad ayaan ugu hanweynahay ciyaartoyda,” ayuu yiri tababaraha reer Spain. “Laba ama saddex daqiiqo ka dib, waxaad ogaanaysaa in wax walba ay dhici karaan.”
Isagoo eegaya ka hor kulanka PSG, oo Arsenal ay 2-0 ku garaacday wareega group-yada horaantii xilli ciyaareedkan, Arteta wuxuu sheegay inay yihiin koox cajiib ah.
“Hadda waa koox ka duwan, waxayna ku jiraan orod cajiib ah waqtigan, si fiican ayaan u garanayaa tababaraha” ayuu yiri Arteta oo ku sugnaa PSG intii uu ku guda jiray xirfadiisa ciyaareed.
“Laakiin waxaan muujinay caawa inaan la tartami karno koox walba”.
